Plantun de Prouvènço

Pèr coumpara dos planto d'encò nostre

Minuartia verna & Ludwigia grandiflora

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Jussìo(-di-gràndi-flour)

Ludwigia grandiflora

Onagraceae

Nom en français : Jussie à grandes fleurs.

Descripcioun :
La jussìo-di-gràndi-flour es uno planto que trachis dins lis aigo morto e li roubino. S'un cop arribo dins un relarg, trachis à noun plus e envahis tout, coume sa cousino la jussìo-fausso-bourtoulaigo-d'aigo, Ludwigia peploides. Se recounèis de segur à si gràndi flour jauno e subretout que se tèn bèn drecho au contro de sa cousino. Pèr èstre segur, fau aluca lis estipulo que soun en pouncho eici e pas redouno. Aquesto jussìo es esterlo (2n = 80) e sa subsp. ié dison hexapetala.

Usanço :
A bessai d'ùni prouprieta mau couneigudo, mai s'avès lou courage, la fau derraba tre que n'en vesès.

Port : Erbo
Taio : 0,2 à 2 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ludwigia
Famiho : Onagraceae

Ordre : Myrtales

Coulour de la flour : Jauno
Petalo : 5
Ø (o loungour) flour : 2,8 à 5 cm
Flourido : Printèms - Estiéu - Autouno

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto
Jun à nouvèmbre

Liò : Aigo - Roubino
Estànci : Mesoumediterran à Coulinen
Couroulougi : Óurigino neoutroupicalo
Ref. sc. : Ludwigia grandiflora (Michx.) Greuter & Burdet, 1987

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Minuartia verna & Ludwigia grandiflora

ges

Coumpara Lineto(-dóu-printèms) emé uno autro planto

Coumpara Jussìo(-di-gràndi-flour) emé uno autro planto